ಕುರಿತು

ಶಿವಮೊಗ್ಗ ಗ್ರಾಮಾಂತರದ ಶಾಸಕಿ ಆಗಿ ಎರಡು ಬಾರಿ ಆಯ್ಕೆ ಆಗಿರುವ ಶಾರದ ಪೂರ್ಯಾನಾಯ್ಕ್ ಶಿಕಾರಿಪುರದ ಹಳ್ಳಿಯೊಂದರಲ್ಲಿ ಜನಿಸಿದರು. ಚಿಕ್ಕ ವಯ್ಯಸ್ಸಿನಿಂದಲೇ ಸೃಜನಶೀಲತೆ, ಸ್ನೇಹ ಹಾಗೂ ಸಹಾಯ ಗುಣಗಳನ್ನು ರೂಢಿಸಿಕೊಂಡು ಬೆಳೆದಿದ್ದಾರೆ . ಪದವಿ ಶಿಕ್ಷಣ ಮುಗಿಸಿರುವ ಶಾರದ ಪೂರ್ಯನಾಯ್ಕ್ ಜೀವನದ ಪ್ರಮುಖ ಘಟ್ಟದಲ್ಲಿ ಎಸ್. ಪೂರ್ಯಾನಾಯ್ಕ್ ಅವರೊಟ್ಟಿಗೆ ಸಪ್ತಪದಿ ತುಳಿದು, ಪತಿಯ ಗುರಿ, ಸಾಧನೆಗೆ ಬೆಂಬಲವಾಗಿದ್ದರು. ಬದಲಾದ ಸಮಯದಲ್ಲಿ ಜಿಲ್ಲಾ ಪಂಚಾಯತ್ ಚುನಾವಣೆ ಮೂಲಕ ರಾಜಕೀಯ ಜೀವನ ಆರಂಭಿಸಿದ ನಾಯಕಿ, ಜನರ ಬೆಂಬಲ ಹಾಗೂ ತಮ್ಮ ಕಾರ್ಯ ನೀತಿಯಿಂದ ರಾಜಕೀಯದ ಒಂದೊoದೇ ಮೆಟ್ಟಿಲನ್ನು ಏರಿ ಶಾಸಕಿಯಾಗಿ ಶಿವಮೊಗ್ಗ ಗ್ರಾಮಾಂತರ ಕ್ಷೇತ್ರಕ್ಕೆ ಸೇವೆ ಸಲ್ಲಿಸುತ್ತಿದ್ದಾರೆ. 1999 ರಲ್ಲಿ ಹಾರ‍್ನಹಳ್ಳಿ ಶಿವಮೊಗ್ಗ ಜಿಲ್ಲಾ ಪಂಚಾಯತ್ ಸದಸ್ಯ ಆಗಿ ರಾಜಕೀಯ ಜೀವನ ಆರಂಭ ಮಾಡಿದ ನಾಯಕಿ, 2010 ರವೆರೆಗೂ ಜಿಲ್ಲಾ ಪಂಚಾಯತ್ ನಲ್ಲಿ ಸೇವೆ ಸಲ್ಲಿಸಿದ್ದಾರೆ. 2007-08 ರಲ್ಲಿ ಜಿಲ್ಲಾ ಪಂಚಾಯತ್‌ನ ಅಧ್ಯಕ್ಷರಾಗಿ ಸೇವೆ ಸಲ್ಲಿಸುರುವುದು ಗಮನಾರ್ಹ.

ಜಿಲ್ಲಾ ಪಂಚಾಯತ್‌ನಿಂದ ಆರಂಭವಾದ ರಾಜಕೀಯ ಜೀವನ 2013ರ ವಿಧಾನಸಭೆ ಚುನಾವಣೆಯಲ್ಲಿ ಜಾತ್ಯಾತೀತ ಜನತದಳದಿಂದ ಶಿವಮೊಗ್ಗ ಗ್ರಾಮಾಂತರ ಕ್ಷೇತ್ರದಲ್ಲಿ ಸ್ಪರ್ಧೆ ಮಾಡಿ ಗೆಲವು ದಾಖಲಿಸುವಂತಾಯಿತು. ಅಷ್ಟೇ ಅಲ್ಲದೇ ಅನೇಕ ಶಿಕ್ಷಣ ಸಂಸ್ಥೆಗಳ ಅಧ್ಯಕ್ಷರಾಗಿಯೂ ಶಾರಾದ ಪೂರ್ಯ ನಾಯ್ಕ್ ಸೇವೆ ಸಲ್ಲಿಸುತ್ತಿದ್ದಾರೆ . ಶಾಸಕಿಯಾಗಿದ್ದ ಸಮಯದಲ್ಲಿ ಅನೇಕ ಹೋರಾಟಗಳ ಮೂಲಕ ಸಾಕಷ್ಟು ಯೋಜನೆಗಳನ್ನು ಜಾರಿಗಳಿಸಿರುವ ನಾಯಕಿ ತುಂಗಾ ಏತ ನೀರಾವರಿಯಿಂದ ಸಾಕಷ್ಟು ಹಳ್ಳಿಗಳಿಗೆ ಹಾಗೂ ಕೃಷಿ ಭೂಮಿಗೆ ನೀರಿನ ಸೌಲಭ್ಯ ಕಲ್ಪಸಿ ಕೊಟ್ಟಿರುವುದು ರಾಜಕೀಯ ಜೀವನದಲ್ಲಿ ಒಂದು ದೊಡ್ಡ ಮೈಲಿಗಲ್ಲು. 2018ರ ವಿಧಾನಸಭೆ ಚುನಾವಣೆಯಲ್ಲಿ ಕಡಿಮೆ ಅಂತರಗಳಿಂದ ಸೋಲು ಕಂಡ ನಾಯಕಿ ಮನೆಯಲ್ಲಿ ಸುಮ್ಮನೆ ಕೂರದೆ ಕ್ಷೇತ್ರದ ಜನರ ಕಷ್ಟಗಳಿಗೆ ನೆರವಾಗಿ ಉತ್ತಮ ಬಾಂಧವ್ಯ ಉಳಿಸಿಕೊಂಡಿದ್ದರು. ಕೋವಿಡ್ ಸಮಯದಲ್ಲಿ ಉಂಟಾದ ಪರಿಸ್ಥಿತಿಗಳಿಗೆ ತಮ್ಮ ವ್ಯಾಪ್ತಿಯಲ್ಲಿ ಆಗುವಂತ ಸಾಕಷ್ಟು ಕೆಲಸಗಳನ್ನು ಮಾಡಿ ಅನೇಕರಿಗೆ ನೆರವಾಗಿದ್ದಾರೆ. ಕ್ಷೇತ್ರದ ಜನತೆ ಜೊತೆ ಸದಾ ವಿಶ್ವಾಸವನ್ನು ಸಂಪಾದಿಸುತ್ತಿದ್ದಾರೆ. 2023ರ ವಿಧಾನಸಭೆ ಚುನಾವಣೆಯಲ್ಲಿ ಮತ್ತೊಮ್ಮೆ ಗೆಲುವು ಸಾಧಿಸಿ ವಿಧಾನಸೌಧದ ಮೆಟ್ಟಿಲುಗಳನ್ನು ತುಳಿದು ಕ್ಷೇತ್ರದ ಜನರ ಕುಂದುಕೊರತೆಗಳಿಗೆ ಶಾರದಪೂರ್ಯಾನಾಯ್ಕ್ ಧ್ವನಿಯಾಗಿದ್ದಾರೆ.

Read More