ಸಾಧನೆಗಳು
ನೀರಾವರಿ ಮತ್ತು ಕೃಷಿ
ಕೃಷಿ ಉತ್ಪನ್ನಗಳಿಗೆ ಮಾರುಕಟ್ಟೆ ಒದಗಿಸಿ, ರೈತರ ಆರ್ಥಿಕ ಶಕ್ತಿ ಹೆಚ್ಚುವ ಕೆಲಸಕ್ಕೆ ಚಾಲನೆ.ಕುಂಸಿಯ ರೈತ ಶಕ್ತಿ ರೈತ ಉತ್ಪಾದಕ ಸಂಸ್ಥೆಯ ಸದಸ್ಯರಿಗೆ ಷೇರು ಪ್ರಮಾಣ ಪತ್ರ ವಿತರಣೆ
ತುಂಗಾ ಏತ ನೀರಾವರಿ ಯೋಜನೆಯ ಸಾರ್ಥಕತೆ
ಶಿವಮೊಗ್ಗ ತಾಲೂಕು ಹಾಗೂ ಭದ್ರಾವತಿ ತಾಲೂಕು ಒಳಗೊಂಡ ಶಿವಮೊಗ್ಗ ಗ್ರಾಮಾಂತರ ಕ್ಷೇತ್ರದಲ್ಲಿ ತುಂಗಾ ಹಾಗೂ ಭಧ್ರ ಜಲಾಶಯದಿಂದ ಅರ್ಧದಷ್ಟು ಕ್ಷೇತ್ರವು ಹಸಿರುಮಯವಾಗಿದೆ. ಉಳಿದ ಪ್ರದೇಶ ಅರೆ ಮಲೆನಾಡಿನಲ್ಲಿದ್ದರೂ ಬೇಸಿಗೆ ಕಾಲದಲ್ಲಿ ತೋಟದ ಬೆಳೆಗಳು ಹಾಗೂ ಹಳ್ಳಿಗಳು ನೀರಿನ ಸಮಸ್ಯೆ ಎದುರಿಸುತ್ತಿದ್ದವು. ಕ್ಷೇತ್ರದ ಜನರಿಗೆ ಅನುಕೂಲವಾಗಲೆಂದು ಎರಡು ಏತ ನೀರಾವರಿ ಯೋಜನೆಗಳನ್ನು ಮಾಡಿಸಲಾಯಿತು . ಬರ ಪೀಡಿತ ಪ್ರದೇಶಗಳಿಗೆ ಹರಿಸಲು ಮಾಜಿ ಸಿಎಂ ಬಂಗಾರಪ್ಪನವರ ಕಾಲದಲ್ಲಿ ರೂಪುಗೊಂಡಿದ್ದ ತುಂಗಾ ಏತ ನೀರಾವರಿ ಯೋಜನೆ ದಶಕಕಳಿಂದ ನೆನೆಗುದಿಗೆ ಬಿದ್ದಿತ್ತು. ಶೆಟ್ಟಿಹಳ್ಳಿ ಅಭಯಾರಣ್ಯದ ಕಾರಣದಿಂದ ಯೋಜನೆ ಸಾಧ್ಯವಿಲ್ಲ ಎಂಬAತ್ತಾಗಿತ್ತು. ಕ್ಷೇತ್ರದ ಜನತೆಗೆ ಶತಾಯಗತಾಯ ನೀರು ಕೊಡಿಸಲೇಬೆಕೆಂದು ಜಿಲ್ಲಾ ಪಂಚಾಯತ್ ಅಧ್ಯಕ್ಷೆ ಆಗಿದ್ದಾಗ ತಜ್ಞರ ಜೊತೆ ಚರ್ಚೆಸಿ ಮಾರ್ಗ ಬದಲಾವಣೆ ಮಾಡಿ ಯೋಜನೆಯನ್ನು ಪರಿಷ್ಕರಿಸಲಾಯಿತು. ಶಾಸಕಿಯಾದ ನಂತರ ಜನರ ಹೋರಾಟದ ಮೂಲಕ ಸರ್ಕಾರದ ಮೇಲೆ ಒತ್ತಡ ಹಾಕಿ 8.70 ಕೋಟಿ ವೆಚ್ಚದ ಯೋಜನೆಯನ್ನು ಜಾರಿಗೊಳಿಸಿದೆ. ಈ ತುಂಗಾ ಏತ ನೀರಾವರಿ ಯೋಜನೆಯಿಂದ ತುಂಗೆಯನ್ನು ಕ್ಷೇತ್ರದ ಪುರದಾಳು ,ಗೌಡನಕೆರೆ,ಹಾಯ್‌ಹೊಳೆ, ಬಾರಹಳ್ಳ ಸೇರಿದಂತೆ ೪೦ ಕೆರೆಗಳಿಗೆ ಹರಿಸಲು ಸಾಧ್ಯವಾಯಿತು. ಇದರಿಂದ ಸುಮಾರು 7300 ಎಕರೆ ಭೂಮಿ ಹಸಿರಾಯಿತು .
